Янгиерда ўтказилган биринчи лигага ўтиш турнири якунларига кўра, "Чилонзор-Пахтакор" жамоаси келаси мавсумда ушбу лигада ўйнаш ҳуқуқини қўлга киритди.

Янгиердаги баҳсларда жами беш жамоа иштирок этди. Учрашувларнинг барчасини ғалаба билан якунлаган "Чилонзор-Пахтакор" жамоаси биринчи ўринни эгаллаб, юқори лигада тўп тепиш ҳуқуқига эга бўлди. Ушбу клуб таркибида академиямиз тарбияланувчилари фаолият олиб боришади. Биз ёш футболчиларимизни эришилган кичик муваффақият билан табриклаймиз ва уларга биринчи лигада омад тилаймиз!